DAXİLİ SİYASƏT

Vətəndaş

Həyat və yaxın tarixin mənzərəsi göstərir ki, sabitlik əsas amildir və sabitlik yalnız düzgün siyasətlə təmin edilə bilər. O siyasət ki, onun mərkəzində xalq dayanır, ölkə vətəndaşı dayanır. Biz məhz bu siyasəti aparırıq. Bizim siyasətimizin mərkəzində Azərbaycan vətəndaşı, onun problemləri, onun qayğıları, onun rifahı dayanır.

Xalq-iqtidar birliyi

Xalq-iqtidar birliyi Azərbaycanda sabitliyi şərtləndirən əsas amildir, bu gün var və gündən-günə güclənir.

Sabitlik

Bu gün Azərbaycan dünya miqyasında ən sabit ölkələrdən biridir və o ölkədir ki, xalq-iqtidar birliyi onun uğurlu inkişafını müəyyən edir. Sabitlik olmadan heç bir inkişafdan söhbət gedə bilməz. Sabitlik hər bir inkişafın əsas şərtidir.Azərbaycanda sabitlik mövcuddur. Son 5-6 il ərzində dünyanın müxtəlif yerlərində, bizim regionumuzda çox ciddi, narahatedici proseslər gedir. Qanlı toqquşmalar, müharibələr, vətəndaş müharibələri, ölkələrin bir-birinin işinə kobudcasına qarışması, hərbi müdaxilələr. Biz görürük ki, sabitlik pozulduqda heç bir inkişafdan söhbət gedə bilməz.

Real siyasət

Bizim siyasətimiz real, konkret nəticələrə gətirib çıxaran siyasətdir.

Təhlükəsizlik

Ölkəmizdə ictimai asayiş qorunur, kriminogen durum çox müsbətdir, Azərbaycan dünyanın ən təhlükəsiz ölkələrindən biridir.
Təhlükəsizlik və sabitlik bizi fərqləndirən müsbət amillərdir. Bunu Azərbaycana gələn çoxsaylı turistlər görürlər.