14/02/2018

Bakıda “Azərbaycan Xalq Cümhuriyyəti - 100 il. Qadın və seçki hüququ” mövzusunda konfrans keçirilib

Fevralın 14-də Bakıda “Azərbaycan Xalq Cümhuriyyəti - 100 il. Qadın və seçki hüququ” mövzusunda konfrans keçirilib.

Ailə, Qadın və Uşaq Problemləri üzrə Dövlət Komitəsi yanında İctimai Şuranın təşkilatçılığı ilə keçirilən tədbirdə respublikanın ictimai-siyasi və sosial-mədəni həyatında fəallıq göstərən qadınlar iştirak ediblər.

Əvvəlcə Azərbaycan Respublikasının dövlət himni səsləndirilib.

Ailə, Qadın və Uşaq Problemləri üzrə Dövlət Komitəsi yanında İctimai Şuranın sədri Rəna Mirzəzadə qeyd edib ki, konfransın keçirilməsində məqsəd 1918-ci il mayın 28-də qurulan Azərbaycan Xalq Cümhuriyyəti dövründə bütün vətəndaşların bərabər hüquqlarının tanınması, hətta bir çox Avropa ölkəsindən daha əvvəl qadınlara seçki hüququnun verilməsinin 100 illiyinin qeyd olunmasıdır. Həmçinin tədbirin keçirilməsinin daha bir məqsədi bu ilin aprelində keçiriləcək prezident seçkilərində qadınları fəal iştiraka dəvət etməkdir.

Rəna Mirzəzadə hər bir vətəndaşımızı “Mən hər bir azərbaycanlının prezidentiyəm” deyən dövlətimizin başçısı İlham Əliyevə prezident seçkilərində dəstək olmağa çağırıb.

Milli Televiziya və Radio Şurasının üzvü, “Kaspi” Təhsil Mərkəzinin və “Kaspi” qəzetinin təsisçisi Sona Vəliyeva deyib ki, 1918-ci il mayın 28-də yaradılan Azərbaycan Xalq Cümhuriyyəti müsəlman Şərqində ilk demokratik respublika olmaqla yanaşı, xalqımızın tarixində mühüm bir hadisə idi. Əsrlər boyu müstəqillik arzusu ilə yaşayan xalqımız nəhayət ki, öz suveren dövlətinə sahib oldu. Lakin müstəqilliyimizin qısa sürməsinə baxmayaraq, həmin dövrdə bir çox mühüm işlər görüldü. Qadınlara seçib-seçilmək hüququnun verilməsini xüsusi qeyd etmək lazımdır. Sona Vəliyeva Azərbaycan qadınlarını bu hüquqdan istifadə edərək apreldə keçiriləcək prezident seçkilərində İlham Əliyevin namizədliyini dəstəkləməyə çağırıb. Qeyd olunub ki, Prezident İlham Əliyev ulu öndər Heydər Əliyevin siyasətini davam etdirərək Azərbaycanı dünyada öz sözü olan lider dövlətlərdən birinə çevirib. Məhz buna görə də dövlətimizin başçısı İlham Əliyevin namizədliyinin irəli sürülməsi bütövlükdə Azərbaycan xalqının seçimidir.

Türkiyədə yaşayan, Azərbaycan tarixi və mədəniyyətinin təbliği istiqamətində fəaliyyət göstərən professor Aygün Attar təkcə Azərbaycanda yaşayan qadınları deyil, ölkəmizin hüdudlarından kənarda yaşayan qadınları, eləcə də bütün azərbaycanlıları seçkilərdə yekdilliklə Prezident İlham Əliyevə səs verməyə çağırıb. Ermənilərin Azərbaycan və Anadolu türklərinə qarşı törətdiyi soyqırımlarına, Azərbaycanın dünyadakı nüfuzuna, Prezident İlham Əliyevin fəaliyyətinə həsr etdiyi məqalələrindən danışan professor ölkəmizin uğurlarından qürur duyduğunu vurğulayıb.

İctimai xadim Tərlan Musayeva, Bakı Dövlət Universitetinin Azərbaycan tarixi kafedrasının dosenti Lətifə Əliyeva, “Modern İnkişaf və Ailə” İctimai Birliyinin sədri Zərifə Quliyeva, Azərbaycan Sahibkar Qadınlar Assosiasiyasının idarə heyətinin sədri Səkinə Babayeva, Fövqəladə Hallar Nazirliyi işçilərinin Həmkarlar İttifaqının sədr müavini Afət Xanbabayeva, Yeni Azərbaycan Partiyasının Gənclər Birliyinin sədr müavini Samirə Quliyeva konfransın əhəmiyyətindən danışıblar. Bildirilib ki, əsrin əvvəllərində itirdiyimiz müstəqilliyimiz əsrin sonunda – 1991-ci ildə bərpa olundu. Müasir Azərbaycan Respublikası Azərbaycan Xalq Cümhuriyyətinin varisidir. Ümummilli lider Heydər Əliyevin azərbaycançılıq məfkurəsi xalqımızın tarixi yaddaşını özünə qaytardı, müstəqillik arzularının gerçəkləşməsinə və möhkəmlənməsinə zəmin yaratdı. Azərbaycan Xalq Cümhuriyyəti yalnız Azərbaycanın deyil, türk dünyasının, müsəlman aləminin və bütövlükdə Şərq tarixinin ən parlaq səhifələrindən biridir.

Sonda konfransın qətnaməsi qəbul olunub.

 

Mənbə:

https://azertag.az/xeber/Bakida_Azerbaycan_Xalq..

Diqər

26/03/2018

Qarabağ vetaranları İlham Əliyevi yekdilliklə dəstəkləyirlər

14/02/2018

Prezident İlham Əliyev məcburi köçkünlərin problemlərinin həllinə xüsusi diqqətlə yanaşır

14/02/2018

Azərbaycan QHT-lərinin üzvləri Prezident İlham Əliyevin rəhbərliyi ilə əldə olunan nailiyyətləri yüksək qiymətləndirirlər

14/02/2018

Ağsaqqallar Şurasının iclasında prezident seçkilərində İlham Əliyevin namizədliyinin dəstəklənməsi ilə bağlı müraciət qəbul olunub

14/02/2018

Prezident İlham Əliyev veteranlara dövlət qayğısı siyasətinin müasir mərhələdə inkişafı üçün çox böyük işlər görüb

12/02/2018

Prezident seçkilərində gənclərin və idmançıların namizədinin dəstəklənməsinə həsr olunmuş respublika toplantısı keçirilib

09/02/2018

9 fevral 2018-ci il - M.Maqomayev adına Azərbaycan Dövlət Akademik Filarmoniyasında ölkədəki yaradıcılıq təşkilatlarının rəhbərləri və üzvləri qarşıdan gələn prezident seçkiləri ilə bağlı toplantı keçiriblər

09/02/2018

9 fevral 2018-ci il - Azərbaycan Milli Paralimpiya Komitəsi prezident seçkiləri ilə əlaqədar ölkə ictimaiyyətinə müraciət edib

08/02/2018

8 fevral 2018-ci il - Bakıda Yeni Azərbaycan Partiyasının VI qurultayı keçirilib

05/02/2018

5 fevral 2018-ci il -Azərbaycan Həmkarlar İttifaqları Konfederasiyasının V qurultayı keçirilib